یوٹیوب پر پیسے کمانے کیلئے پالیسی مزید سخت

172

10 ہزار سے کم ویوز اور 100سے کم سبسکرائبر والے چینلز پر اشتہارات نہیں دکھائیں گے

لاہور( ویب ڈیسک) مایہ ناز سرچ انجن کی ویڈیو شیئرنگ ویب سائٹ ویب سائٹ نے صارفین کے لیے پالیسی مزید سخت کر دی۔
یوٹیوب نے پہلے اعلان کیا تھا کہ وہ 10 ہزار سے کم ویوز اور 100سے کم سبسکرائبر والے چینلز پر اشتہارات نہیں دکھائیں گے۔ یوٹیوب نے اس پالیسی کو اب مزید سخت کر دیا ہے۔یوٹیوب کا کہنا ہے کہ یوٹیوب سے اب وہی صارفین کما سکیں گے جن کے چینلز کے سبسکرائبر 1000 سے زیادہ اور پچھلے بارہ ماہ میں ان چینلز کی دیکھی جانے والی ویڈیوز کا دورانیہ 4000 گھنٹوں سے زیادہ ہوگا۔

یوٹیوب نے ایک بلاگ پوسٹ میں بتایا کہ اس اقدام سے حقیقی تخلیق کار اور برے فنکاروں کو آسانی سے الگ کیا جا سکے گا۔
پچھلے سال کچھ چھوٹے انتہاپسندانہ چینل پر اشتہارات نظر آنے کی وجہ سے سینکڑوں کمپنیوں نے یوٹیوب کا بائیکاٹ کیا تھا۔ یہ چھوٹے انتہا پسندانہ چینل بہت زیادہ لوگوں تک تو رسائی نہیں رکھتے تھے لیکن ان کی وجہ سے بلاشبہ کمپنی کا بہت زیادہ مالی نقصان ہوا تھا۔ غالبا ً اسی وجہ سے یوٹیوب اب بے دریغ انتہائی سخت معیار اپنا رہا ہے۔