اردو | العربیہ | English



اردو | العربیہ | English

ایرانی صدر نے بھارت کیلئے تاریخ کا سب سے بڑا اعلان کردیا

بہاول پور میں سانحہ کیوں ہوا ؟ رپورٹ


WhatsApp
298




سندھ میں کراچی کے ساحلی علاقے کیماڑی سے روانہ ہونے والے آئل ٹینکر کو 25 جون کی صبح ساڑھے 6 بجے صوبہ پنجاب میں اس وقت حادثہ پیش آیا جب وہ ویہاڑی کی جانب گامزن تھا، حادثے کے نتیجے میں ٹینکر الٹ گیا جبکہ اس میں موجود آئل احمد پور شرقیہ سے 6 کلومیٹر دور واقع گاؤں سفیر والا کے نزدیک سڑک اور قریبی کھیتوں میں پھیل گیا۔

شیل پاکستان کی جانب سے آئل گیس اینڈ ریگولیٹری اتھارٹی (اوگرا) کو جمع کرائی گئی واقعے کی 'ابتدائی رپورٹ' کے مطابق پیٹرول کا ٹینکر نمبر TLJ-352 کراچی کی مروت انٹرپرائزز ٹرانسپورٹ کمپنی سے کنٹریکٹ پر روانہ ہوا تھا جس میں 50 ہزار لیٹر کی گنجائش تھی، جبکہ یہ ٹینکر پیٹرول لے کر سفر کررہا تھا۔
رپورٹ میں 'ٹینکر کے الٹنے کو تیل کے پھیلاؤ اور آتشزدگی کی وجہ' قرار دیا گیا ہے جس میں 130 سے زائد افراد ہلاک، 100 کے قریب زخمی، 75 موٹر سائیکلیں اور 3 گاڑییں جل کر خاکستر ہوگئیں، بعد ازاں زخمیوں کے دم توڑنے کے بعد ہلاکتوں کی تعداد 170 سے تجاوز کرگئی۔
اس خوفناک سانحے کے بعد ملک بھر میں اداسی کی فضا چھا گئی، جبکہ حکام یہ سوچنے پر مصروف ہوگئے کہ غلطی کہاں ہوئی، کئی نے اس کا ذمہ دار جائے حادثہ پر ہجوم کی صورت جمع ہونے والے تماشائیوں کو ٹھہرایا۔
لیکن اس سانحے کے بعد کئی سوالات اٹھتے ہی، کیا حادثے کا شکار ہونے والا ٹینکر خطرناک مواد لے جانے کے لیے درست حالت میں تھا؟
اور یہ بھی کیا آئل کمپنیوں کی ذمہ داری بنتی ہے کہ وہ اس بات کو یقینی بنائیں کہ جس ٹینکر میں فیول لادا جارہا ہے وہ اس کے قابل ہے؟
شیل کمپنی نے واقعے کی اہم وجوہات کو کچھ یوں بیان کیا کہ آئل ٹینکر 35 کلومیٹر فی گھنٹہ کی رفتار سے سفر کررہا تھا (شیل کے پاس بطور ثبوت ٹریکر رپورٹ موجود ہے) جو محفوظ رفتار کی حد میں ہے۔

شیل کو حاصل ہونے والی ابتدائی معلومات کے مطابق ایک مسافر بس نے ٹینکر کو اوور ٹیک کرنے کے بعد اس کے سامنے تیزی سے بریک لگائی، مسافر بس سے تصادم سے بچنے کے لیے آئل ٹینکر کے ڈرائیور نے گاڑی کو سڑک کی بائیں جانب لے جانے کی کوشش کی اور اسی دوران ٹینکر الٹ گیا۔

پیٹرولیم کمپنی کا مزید کہنا تھا کہ 'بدقسمتی سے خطرے کو نظرانداز کرتے ہوئے قریبی گاؤں سے تعلق رکھنے والے لوگوں کی بڑی تعداد گرنے والا تیل بالٹیوں اور بوتلوں میں بھرنے کے لیے ٹینکر کے گرد جمع ہوگئی، حادثے کے بعد مقامی ٹریفک انتظامیہ کی صورتحال پر قابو پانے کی کوششوں کے باوجود افراتفری پھیل گئی جو اس اندوہ ناک سانحے کا سبب بنی'۔

سیکڑوں افراد کے لیے موت کا پروانہ ثابت ہونے والے اس سانحے کی قومی میڈیا پر کوریج کے بعد شیل پاکستان کے مینجنگ ڈائریکٹر جواد چیمہ نے کمپنی کی ویب سائٹ پر بیان جاری کیا، جس میں حادثے پر افسوس کا اظہار کرتے ہوئے متاثرین سے اظہار تعزیت کیا گیا۔
بیان میں کہا گیا کہ 'کراچی کے کیماڑی میں واقع شیل آئل ٹرمینل سے ویہاڑی ایندھن لے کر جانے والا ٹینکر مروت انٹرپرائزز کی ملکیت تھا'۔
خیال رہے کہ مروت گروپ نے ڈان کی درخواست کے باوجود اپنا ردعمل نہیں دیا تاہم گاڑیوں کی صنعت سے وابستہ ایک ماہر کے مطابق حادثے کا شکار ہونے والا ٹینکر مناسب حالت میں نہیں تھا۔

نام ظاہر نہ کرنے کی شرط پر ماہرین نے بتایا کہ اگر ہم نیشنل ہائی ویز اتھارٹی کے تحت لوڈ فی ایگزل کے بہت بنیادی معیار کو دیکھیں تو یہ پتہ چلتا ہے کہ ٹینکر اوور لوڈ ہونے کی وجہ سے غیرمستحکم تھا۔

ان کا کہنا تھا کہ ٹینکر بھی ضرورت کے مطابق متوازن نہیں تھا، 50 ہزار لیٹر کے ٹینک ٹریلر کے 22 پہیے ہونا ضروری ہیں جبکہ اس ٹینکر کے صرف 14 پہیے تھے۔
ایکسپرٹ کے مطابق ٹینکر اوگرا اور خطرناک اشیاء کی ترسیل کے بین الاقوامی معاہدے اے ڈی آر کے قوانین کی بھی خلاف ورزی کررہا تھا، 'ٹینکر میں اوگرا اور اے ڈی آر کے تحت ضروری مین ہولز کوور درست نہیں تھے جبکہ ٹینک کے اوپر رول اوور کومنگ پروٹیکشن بھی موجود نہیں تھی، نہ ہی ٹینکر میں اے بی ایس بریک تھے جبکہ اس کے بنیادی بریکس ہی ناقص معیار کے تھے'۔
ان تمام باتوں کے برعکس مروت گروپ کا اپنی ویب سائٹ پر یہ مؤقف برقرار ہے کہ وہ اپنی گاڑیاں اے ڈی آر معیار کے مطابق رکھنے کے لیے کوشاں ہیں، گروپ کے کلائنٹس میں شیل پاکستان لمیٹڈ، پاکستان اسٹیٹ آئل لمیٹڈ، بی ایچ پی بلیٹن، اٹک ریفائنری لمیٹڈ، پاک عرب ریفائنری، ایس ایچ وی انرجی، پاکستان گیس اینڈ ٹوٹل پارکو لمیٹڈ شامل ہیں.

مروت گروپ کی ویب سائٹ پر موجود معلومات کے مطابق 'ہم نے فیصلہ کیا ہے کہ ٹریلرز سمیت ہمارے بیڑے میں شامل ہونے والی تمام نئی گاڑیاں اے ڈی آر کے معیار کے عین مطابق ہوں گی'.
یہ بھی بتایا گیا ہے کہ شیل کے ساتھ مل کر پرانی گاڑیوں کو نئی گاڑیوں سے تبدیل کرنے کی تیاریاں کی جا چکی ہیں، جو اے ڈی آر کے ساتھ ساتھ شیل پاکستان لمیٹڈ کی اضافی ضروریات کے عین مطابق ہوں گی، جو ہمارے اپنے معزز کلائنٹس کو جدید اور محفوظ انداز میں سہولیات فراہم کرنے کے عزم کو ظاہر کرتا ہے، علاوہ ازیں پرانی گاڑیوں کو اپ گریڈ کرنے کی تیاریاں بھی جاری ہیں.

ویب سائٹ پر یہ واضح نہیں کیا گیا کہ یہ معلومات کب پوسٹ کی گئی ہے، گاڑیوں میں یہ اپ گریڈیشن کی جاچکی ہیں یا نہیں تاہم ساتھ میں یہ بھی درج ہے کہ 'ٹریلرز کو اے ڈی آر کے مطابق تیار کرنے کے ضمن میں آٹوموبائل کارپوریشن آف پاکستان (اے سی پی) کے ساتھ معاملات طے پا چکے ہیں'.
اس سوال کے جواب میں کہ کیا بہاول پور سانحے کا ٹینکر اے سی پی کی جانب سے فراہم کیا گیا تھا، کمپنی کے سربراہ خیام حسین کا کہنا تھا کہ 'ہم مروت انٹرپرائزز کو ٹینک ٹرکس فراہم نہیں کرتے وہ اپنے ٹرک خود تیار کرتے ہیں'.

خیام حسین کے مطابق 'ہم اے ڈی آر کے معیار کے تحت ٹینک ٹریلر تیار کرتے ہیں، شیل، ٹوٹل، ہیسکول کی تمام برانڈڈ گاڑیاں ہماری تیار کردہ ہیں، حادثے کے نتیجے میں محفوظ ترین گاڑی میں سے بھی آئل پھیل سکتا ہے تاہم معیار حادثات میں کمی لانے کے لیے برقرار رکھا جاتا ہے'.

عملدرآمد کے مسائل کی وضاحت دیتے ہوئے ان کا کہنا تھا کہ پاکستان میں اوگرا قوانین 2009 میں بنائے گئے جو اقوام متحدہ کے اے ڈی آر معیار کے متوازی تھے تاہم اوگرا کے پاس ان قوانین پر عملدرآمد کرانے کے ذرائع موجود نہیں، شیل اور ٹوٹل کا معیار اوگرا سے بلند ہے، ان کے نئے ٹرکس میں الٹنے سے بچانے والا خودکار آلہ برقی طور پر نصب ہوتا ہے.

پیٹرولیم کمپنی کے سابق ایگزیکٹیو کا ڈان کو بتانا تھا کہ 'آئل کمپنیاں اکثر اوقات کارٹیج کنٹریکٹرز کا حصہ بنتی ہیں جو حفاظتی معیار کو پورا کرنے کی کوشش کرتی ہیں، یہ مخصوص ٹینکر معیار سے عدم مطابق تھا جو حفاظتی معیار کے خلاف اور سرار غفلت ہے، متعلقہ کمپنی کو ایسے غیر معیاری ٹینکر میں پیٹرول کی ترسیل نہیں کرنی چاہیے تھی'.

ترجمان اوگرا عمران غزنوی کہتے ہیں کہ اوگرا کی جانب سے انکوائری کا آغاز کیا جاچکا ہے اور چند دن میں رپورٹ موصول ہوجائے گی.
ان کا کہنا تھا کہ 'ہم نے معاملے کی تحقیق کے لیے تھرڈ پارٹی انسپکٹر مقرر کیے ہیں، شیل کی جانب سے ہمیں جواب موصول ہوچکا ہے تاہم ہمارے انسپکٹرز کی رپورٹ موصول ہونے کے بعد ہم آگے پیش رفت کریں گے'.


WhatsApp




متعلقہ خبریں
پاک فوج کو گرفتاری دینے والے ٹی ٹی پی کے ... مزید پڑھیں
افغان طالبان کا امریکی عوام کے نام خط ... مزید پڑھیں
صدر ٹرمپ کا ایک اور معاشقہ سامنے آگیا ؟ ... مزید پڑھیں
ہندوستان کا چاہ بہار کی آڑ میں خفیہ منصوبہ بے ... مزید پڑھیں
ایک دہشت گردتنظیم اور تیل کے کنووں کی مالک، ... مزید پڑھیں
انڈین شخص سے امریکی شہریت کیوں چھین لی گئی ... مزید پڑھیں
درد بھری داستان زخمی حالت میں قید فلسطینی اسیرات ... مزید پڑھیں
جماعت الدعوۃ کے خلاف کریک ڈاؤن کے پیچھے امریکہ ... مزید پڑھیں
"الحشد" ملیشیا اور افغان اجرتی قاتلوں کی مدد سے ,ایران ... مزید پڑھیں
بابری مسجد شہادت میں ملوث ہندو کا قبولِ اسلام، 100 ... مزید پڑھیں
کلبھوشن کی صحت مزید بہتر، عمدہ سوٹ پہنا شبہ تھا ... مزید پڑھیں
سدرن لوپ ون اور ٹوکا افتتاح , 22.4 کلومیٹر طویل ... مزید پڑھیں
امریکا نے افغانستان سے ایک کھرب ڈالر کی کیا چیز ... مزید پڑھیں
پاسپورٹ اور شناختی کارڈ سے مذہبی شناخت ختم، نیا قومی ... مزید پڑھیں
ایک یونیورسٹی لیکچرار سے ارب پتی کاروباری بننے تک کی ... مزید پڑھیں
القدس فلسطین کا صدر مقام تھا، ہے اور ہمیشہ رہے ... مزید پڑھیں
متعلقہ خبریں
پاکستان کو دہشت گردوں کی ‘واچ لسٹ’ میں ڈالنے کی تیاریاں
پاک فوج کو گرفتاری دینے والے ٹی ٹی پی کے سابق ترجمان احسان اللہ احسان اس وقت کہاں ہیں؟
افغان طالبان کا امریکی عوام کے نام خط
صدر ٹرمپ کا ایک اور معاشقہ سامنے آگیا ؟
ہندوستان کا چاہ بہار کی آڑ میں خفیہ منصوبہ بے نقاب
ایک دہشت گردتنظیم اور تیل کے کنووں کی مالک، ایسا واقعہ کہ دنیا دنگ رہ گئی
انڈین شخص سے امریکی شہریت کیوں چھین لی گئی
درد بھری داستان زخمی حالت میں قید فلسطینی اسیرات
جماعت الدعوۃ کے خلاف کریک ڈاؤن کے پیچھے امریکہ ہے : چئیرمین ایف آئی ایف
"الحشد" ملیشیا اور افغان اجرتی قاتلوں کی مدد سے ,ایران احتجاج کچلنے کے لیے تیار

مقبول خبریں
ویڈیو گیلری

آزادی کی تحریکوں کو دبایا تو جا سکتا ہے لیکن ختم نہیں کیا جا سکتا : پاکستانی ہائی کمشنرعبدالباسط

بھارتی اشتعال انگیزی کا ذمہ داری سے جواب دے رہے ہیں ،عاصم باجوہ

پاکستان اورسعودی عرب حقیقی بھائی ہیں،علما اکرام مسلم امت کے اتحاد میں کردار ادا کریں:امام کعبہ

بڈگام میں بھارتی فوج کی فائرنگ، مزید 8 کشمیری شہید، پاکستان کا شدید احتجاج

فرانس میں تیز رفتار گاڑی فوجیوں پر چڑھ دوڑی، 6 زخمی

سپورٹس
شاہد آفریدی کی عمران خان کو شادی پر مبارکباد
لاہور(نیوز ڈیسک) سابق قومی آل راﺅنڈر شاہد آفریدی نے پی مزید پڑھیں ...
ویب ٹی وی
ٹورازم
پاکستان میں خوبصورت اور دلکش مناظر کی کمی نہیں ہے۔
پاکستان میں خوبصورت اور دلکش مناظر کی کمی نہیں ہے۔ posted by Abdur مزید پڑھیں ...
انٹرٹینمینٹ
ماہرہ خان کی ساحل سمندر پرنئی تصاویر وائرل
لاہور(یو این پی )پاکستان اداکارہ ماہرہ خان کی ساحل سمندر پر تصاویر مزید پڑھیں ...
مذہب
درود پر تنازع‘ جہلم ،مسجد کے منتظم پر توہینِ مذہب کا مقدمہ
جہلم ( ویب ڈیسک) پاکستان کے صوبۂ پنجاب کے ضلع جہلم کی مزید پڑھیں ...
بزنس
اتحاد اور ایمریٹس ایئر لائن کا پی آئی اے کی خریداری میں دلچسپی کا اظہار
اسلام آباد (ویب ڈیسک) حکومت نے انتخابات سے قبل پی آئی مزید پڑھیں ...